Байгаль нуурын эрэг дэх Максимиха(Буриад улсын Баргузински дүүрэг) тосгонд төвийн хэвлэл мэдээллийн ажилтнуудтай уулзалт зохион байгуулав. Төслийн менежер Сергей Куделя НҮБ-ын Хөгжлийн Хөтөлбөр/ДДБОС-гийн “Байгаль Нуурын Сав Газрын Хил Дамнасан Экосистемийн Байгалийн Нөөцийн Нэгдсэн Менежмент” төслийн хэрэгжилтийн явцын талаар танилцуулав. Кока-Кола компанийн (Бон Акуа, НҮБХХ) хэрэгжүүлж буй “Дусал бүр ач холбогдолтой” төслийн үр дүнгийн талаар мөн танилцуулсан болно. Кока-Колагийн төлөөлөгч Канукова Мария Михайловна, НҮБХХ/ДДБОС-гийн “Байгаль Нуурын Сав Газрын Хил Дамнасан Экосистемийн Байгалийн Нөөцийн Нэгдсэн Менежмент” төслийн Улаан-Үүд хот дахь менежер Сергей Куделя, Байгаль нуур мэдээллийн төвийн эрхлэгч Елена Перелыгина, Буриадын “Байкал биг трэйл” –ийн Зөвлөлийн дарга Андрей Сукнёв нар сурвалжлагчдын асуултанд хариуллаа. Төлөөлөгчид Чивыркуйски тохойн хэсэг газрыг үзэж танилцан түүнчлэн МОО "Турка" төсөлтэй танилцав.

http://pda.utro.ru/articles/2012/08/28/1068001.shtml
http://ulanude.bezformata.ru/listnews/zhurnalisti-tcentralnih-smi-proveli/6215293/
http://www.moy-ulan-ude.ru/

Мэдээллийн төв нь дараах үйл ажиллагааг эрхлэн гүйцэтгэх зорилготой:

1. Байгаль нуурын сав газрын зорилтот болон тулгамдсан асуудлыг олон нийтэд мэдээллэх,
2. "Байгаль нуурын сав газрын байгаль орчны төлөв байдал"-ын тайланг 2 жил тутамд бэлтгэн хэвлэх,
3. Байгаль нуурын сав газрын гол мөрний усны чанар (гидрохими)-ын ажиглалт хэмжилт (мониторинг)-ийн хөтөлбөрийн хэрэгжилтийг уялдуулан зохицуулах,
4. Байгаль нуурын сав газрын экологийн атлас (газрын зураг) зохиох болон улам төгөлдөржүүлэх,
5. Байгаль нуурын сав газрын усны баланс (тэнцэл)-ыг тооцоолох,
6. Байгаль нуурын сав газрын усан дахь бохирдуулагч бодисын нөлөөлөл, шилжилт, өөрчлөлтийг загварчлах болон урсгалын доод хэсэгт оршин суугч, ус хэрэглэгч, ашиглагч нарт тохиож болзошгүй аюул, эрсдэлийн талаар урьдчлан мэдээлэх,
7. "Байгаль нуурын сав газрын анд нөхөд" байгаль орчны Төрийн бус байгууллагууд (ТТБ)-ын сүлжээг дэмжин ажиллах.

Томруулж харах

Байгаль нуурын сав газар ба түүний зэргэлдээ орших нутгуудад Холбооны хэмжээний хэд хэдэн дархан цаазат болон байгалийн цогцолбор газрууд байдаг. Үүнд: Байгаль нуурын Шим мандлын Улсын Дархан Цаазат Газар, Баргуужингийн УДЦГ, Байкало-Ленскийн УДЦГ,  Джергинскийн УДЦГ,  Сохондиний  шим мандлын ДЦГ, «Даурский» шим мандлын улсын ДЦГ, «Алханай» Байгалийн Цогцолбор Газар, Забайкальски БЦГ, Прибайкальски БЦГ, Тункински БЦГ. Энэ нь “Байгаль нуурын эрдэнийн хэлхээ” нэртэй хэвлэл мэдээллийн концепци боловсруулах үндэс болсон. Концепцийн зорилго нь байгалийн онцгой ландшафт, амьтан, ургамлын давтагдашгүй объект бүхий ДЦГ болон БЦГ-уудын төлөв байдал болон аялал жуулчлал хөгжүүлэх нөөц бололцооны талаар ОХУ-ын иргэд, олон улсын сонсогчдод мэдээллэх явдал юм. Онгон байгальтай харьцах боломжийг олгосон экологийн жимд онцгой ач холбогдол өгсөн. Концепцийн хүрээнд адил нэртэй “Байгаль нуурын Ертөнц”кино хийж сэтгүүл гаргасан.

Тайлан татах

Бага дунд сургуулийн сурагчдад зориулсан “Байгаль нуурын эрднэсийн авдар” сургалт-арга зүйн багц материалыг Англи хэлээр боловсруулж гаргах ажлыг НҮБХХ-ийн БонАква “Дусал бүр үнэ цэнтэй” төслийн хүрээнд 2014 онд Байгаль нуурын мэдээллийн төв  «Грань» хийж гүйцэтгэсэн.   Байгаль нуурын төслөөс дэмжиж Монгол багш нарт зориулан Улаанбаатар хотод сургалт зохион байгуулж, оролцогч багш нарт Англи хэлээр 50 багц, Орос хэлээр 10 багц сургалтын материал, түүнчлэн Орос, Монгол хэлээр бичсэн “Хил хязгааргүй Байгаль нуур” баримтат киноны CD зэргийг тараасан. Үүнээс гадна Байгаль нуурын эрэг дээр болсон “Байгаль нуурын эрдэнэсийн авдар” материалын Англи хувилбарын нээлтэд зориулсан “Нуур орчмын нутаг дахь Экологийн боловсрол: Практик арга туршлага ба шинэ технологи” олон улсын мастер-семинар болж өнгөрөв.

Тайлан татах

Гүйцэтгэгч: “Байгаль нуурын байгалийн аялал жуулчлалын нийгэмлэг”.

Дуусах хугацаа: 2012 оны 12-р сар.

Эцсийн бүтээгдэхүүн:

• олон улсын байгалийн аялал жуулчлалын сүлжээнд элсэн ороход Байгаль нуурын Биосферийн Нөөц Газар олон улсын шалгуурт нийцэж байгаад үнэлгээ хийх.
• олон улсын байгалийн аялал жуулчлалын сүлжээнд Байгаль нуурын Биосферийн Нөөц Газрыг оруулах төлөвлөгөө.

Ажил бүрэн хийгдсэн. Байгаль нуурын Биосферийн Нөөц Газрын давуу болон сул талуудад дүн шинжилгээ хийсэн. Олон улсын байгалийн аялал жуулчлалын сүлжээнд элсэн орох төлөвлөгөө боловсруулан гаргасан.

Тайлан урьдчилсан байдлаар (RUS) татаж авах

Дархан Цаазат Газрын Үнэлгээний тайлан татаж авах

Аялал жуулчлалаас Дархан Цаазат Газарт үзүүлэх нөлөөллийн талаарх тайлан татаж авах

Аялал жуулчлалын тогтвортой хөгжлийн төлөвлөгөө татаж авах

“Байгаль нуурыг хамгаалцгаая” олон нийтийн байгууллагаас 2014 оны 4-р сарын 5-6 өдөр зохион байгуулсан Байгаль нуур ба Сэлэнгэ мөрний эрэг орчмыг цэвэрлэх ажлыг төслөөс дэмжив. Үүнд: Цэвэр мөс  (Эрхүү муж, Листвянка тосгон- МРС. Ольхон), 2014 оны 4-р сарын 12-ны өдөр; Цэвэр мөс (Буриад улс «Байгаль нуур дах загасчлал» арга хэмжээний хүрээнд); 2014 оны 7-р сарын 15-наас 8-р сарын 15; Харуул ба байгаль хамгаалах лагерь «Байгаль нуурын эргийн алба» - 2014 оны 8-р сарын 7 өдөр; Сэлэнгэ мөрний бүх Оросын хэмжээний цэвэрлэгээ «Сэлэнгэ мөрний цэвэр эрэг» (Улаан-Үд хот); 2014оны 8-р сарын 25-наас 9-р сарын 6 өдөр-Монголын Хөвсгөл нуур дээр очих экспедиц «Байгаль нуурын эх» .

“Байгаль нуурыг хамгаалах” төсөл хэрэгжүүлэгчид 2014 онд нийт 11 арга хэмжээ зохион байгуулж, 17 000 км зам туулж, 500 сайн дурынхан оролцож, 110км² газар нутгийг цэвэрлэж, 2000 уут хог хаягдал түүж, 2015-2017 онд хийх байгаль хамгааллын ажлын төлөвлөгөө гаргасан.

2014 оны 11-р сарын 8-14 өдрүүдэд Монголын Хөвсгөл нуураас эх авах Эгийн голын дагууд нутгийн иргэдийг оролцуулан цэвэрлэгээний ажил зохион байгуулав. Цэвэрлэгээний ажил Алаг-Эрдэнэ, Хатгал сумдад өрнөж багш нар, экологийн клубын сурагчид зэрэг 50 орчим  хүн оролцов. 10 тээврийн хэрэгслэлийг (6 ачааны машин, 1том трактор, 1 жижгэвтэр трактор мөн 2 автомашин) дайчлан ажилласан арга хэмжээний үр дүнд голын эрэг татмын 22 га газрыг цэвэрлэж, хогийн цэгийг нүүлгэн шилжүүлэх талаар 2 сумдын удирдлагын хэмжээнд тохирсон.

Үүнээс гадна кампант ажлын хүрээнд хөрш зэргэлдээ нутгийн иргэдийн дунд төрөл бүрийн сургалт, семинар зохион байгуулав.

Тайлан татах (Байгаль, Сэлэнгэ)

Тайлан татах (Хөвсгөл, Эг)